Event Foto Momo Indie by cek Ready Erviansyah (18-12-2016)

At first, i would like to say Happy New Year 2017 for everyone my blog reader, well, at this point, I want to try something different, using language from southern part of western Nusantara archipalego, so here we go...

Apo kabar kawan-kawan yg lah biaso membaco postinganku, aku balek lagi ke layar laptop ni, sebelumnyo aku nak minto maaf buat cik-cik talent foto yang lah lamo nunggu hasil fotoku :3, jadi, ceritonyo, ari tu ari Minggu (18/12) tahun 2016, ado kawanku, cek Ready, salah sikok potograper oncak di Kuto Malang, ngadake acara hunting poto bareng, pacak dikatoke ini event foto, nah, meloklah aku di acaranyo dio, seidaknyo ado 4 model yang disedioke, salah sikoknyo yang lah jadi Title utama event ini yang kagek bakal aku ceritoke ke kawan-kawan galo.

Ado model (bukan makanan khas Palembang lho...) berarti mesti ado yang make-upke biar tejingok cindo nian...ado bicek Nirmala Gita samo bicek Sendya, ado pulo Eveline, nah yang sikok ni aku idak seberapo paham, ah...men aku lah postingke, kagek yo di tag ke wong yang bersangkutan :v , ai, lajulah kito masok ke pembahasan utama.

Yessi Jz

Mukonyo memang tejingok jutek nan garang, tapi percayo apo idak, budak tino sikok ni ramah, sesikoknya tu pacak bikin wong-wong yang motoke dio tertawo :v tampil dengan gaya yang elegan yang disokong pulo samo dress putih, nampak adem dijingok mato, berikut ni hasil-hasil fotonyo yang lah melalui proses editing.

Pose bedoa

Tatapan penuh harap :v

Saking khusyuk nian tino sikok ni bedoa, metu pulo lah tu cahaya ilahi :v

"Siapolah yang jingok-jingok aku tuh..." ujinyo :v

There's something beautiful behind the tree (ngomong apolah aku ni :v)

Entah apo yang ado di palakku, aku jadi ngedit foto sikok ni jadi bersalju, apo dio idak kedinginan yo?

Anggep be ado sumber cahaya di pocok sano...

Cantik-cantik tapi pecak wong tetak pohon..(maapke aku yo cek...)

Aku nak ngomong sikok sebelum kito lanjut ke model berikutnyo, ngapo fotonyo Yessi paling banyak, pasalnyo, di event ni aku dimintoke tolong samo cek Ready jadi TL (Talent Leader, yang ngaturke durasi sesi dan menjago model ni biar idak di apo-apoke samo FG lainnyo yang dateng ari tu) , jadi selama 3 kali 12 menit aku jagoke dio, banyak jugo hasil yang didapatke.

Anastasia Karina

Budak tino sikok ni memang punyo muko yang garang dan menyeramke, sampe-sampe aku mikir model cak ini lemaknyo dikonsepke gothic atau apo be yang berbau serem, tapi lain muko lain dalem, budak model bebadan kecik ni sangat kooperatif dan murah senyum, jadi cak inilah hasilnyo.

Cubo-cubo false colour

Nah...muko mak ini memang pantes men di editke cak ini (maapke aku yo Tas...aku idak maksud :3 )

Momo Indie, bintang utama event kali ni

Asalnyo memang bukan dari Kuto Malang, tapi ujinyo cek Ready dio pas itu lagi ngadoke tour modelling kebeberapo kuto di pulau Jawo ni, salah sikoknyo di Malang, dan percayo idak percayo meskipun secara tampak dio pecak bicek Sherly Steffani (Model foto Malang yang lah pensiun), umurnyo cek Momo ni masih 16 taun, memang dak pacak dipercayo, mun dijingok dari mato palak dewe, tapi aman dio lah becakap atau betingkah, tejingoklah sifat aslinyo, lincah dan nyenyes, yang memang umum dikalangan seusianyo, jadi, mak inilah hasil potoku ke dio mun awak idak sabar jingok :3

Brrrr....adem nian ye :v

Biarpun awak lah dipocok ketenaran, segalo-galonyo gampang didapatke, aman awak dak seneng membaca, awak dak katek apo-aponyo samo yang lain :3 (biar bermutu sikit)

Alya Nitra

Pas ari tu ado budak model yang telat datengnyo, aku betanyo ke cek Ready, ujinyo dio ado ujian dikampusnyo, jadi harap dimaklumke, kareno aku yang nulis dan ngedit ni lah capek, langsung bae ke fotonyo.

Another cahaya ilahi :v

Mungkin idak cocok yo...

Nah...mak itu bae postinganku ari ni, sesikok lagi aku nak minto maap ke segalo kawan-kawan termasuk dijerunyo ado bicek-bicek poto model yang lah galak nunggu lamo, lokaknyo aku jugo sibuk, saro pulo aku ngedit-ngeditnyo, jadi maapke ye...

nah...mak itu bae, Mawak selasih dari Kalidoni, Cuko lemaknyo dimakan samo iwak, Mokasih lah jingok postingan ni, mugo pacak nyenengke ati awak

Sekian postingan dari pinggir dermaga batang Komering, Kertapati, Palembang 

Wassalam...